Heidi、Aka＠Super Girls事隔多月再練舞　高踭鞋上陣有人險仆親

女子組合Super Girls成員李靜儀（Heidi）和趙慧珊（Aka）一直是「舞林中人」，過往均會抽空相約去練舞，可惜疫情關係，加上早前要拍劇拍戲，所以大半年都沒有踏進排舞室。日前，兩人趁不用開工，即時相約到排舞室練新舞，更把跳舞片段放上社交平台分享。事隔多個月沒有跳舞，二人異口同聲表示：「重拾番以前着高踭鞋嘅感覺，以前好辛苦去練舞嘅回憶湧現咗出嚟。」Heidi更笑言差點仆親。

至於相隔大半年再跳舞，舞技可有生疏？Aka表示：「又唔算生疏，其實之前要多啲時間去夾好多動作，但今次大家反而容易跳齊咗，可能係因為兩個人跳。」Heidi則說：「可能兩個人跳舞就位會簡單啲，多人跳就位，動作都會較複雜，要用多啲時間，今次跳舞我覺得都有進步。」

此外，Heidi透露拍畢電影後，有意去上戲劇班進修演技，還打算叫Aka一齊上堂。雖然Aka聞言後即答應，但Heidi卻自爆：「之前成日話約埋去上堂學嘢，太多喇，真係唔記得，我哋成日天馬行空想去學唔同嘅嘢，但係仲未學到。」

點擊下圖觀看兩人排舞情況：