年度影壇盛事，《第43屆香港電影金像獎》頒獎禮已圓滿落幕，即使未能到場，不少人都安坐家中看直播。金牌司儀BOB林盛斌與子女們齊齊收看，卻被「另類激勵」，令他立志要「終有一日以提名人嘅身份坐喺度。」

BOB林盛斌三女能文能舞又得獎　曾赴歐洲鋼琴豎琴連奪冠軍

BOB難得未有工作在身，星期日晚與仔女一同收看ViuTV直播金像獎頒獎禮，期間二女問起：「爸爸，點解你今晚唔使去嘅？」BOB回應指︰「咁我又唔算係電影人，又唔係拍好多戲…」其後二女及三女即一唱一和：「點解你唔拍多啲戲嘅，係咪因為冇人搵呀？爸爸，你係咪完全冇攞過呢啲奬㗎？咁渣㗎！」

童言童語令BOB毫無招架之力，笑言要求兩名女兒「熄電視，瞓覺，聽日返學！」及後他發文「多謝」家人：「佢哋真係俾咗好多正能量我。終有一日，要威俾佢哋幾個睇，以提名人嘅身份坐喺度，呢個世界，咩都有可能嘅。」