邵氏藝人李爾晨（Kyle）今日（26/04）出席運動品牌活動，他透露他的健身室生意與運動品牌有相當多合作空間，期待與靚女老闆樂宜（Lokyii）和李賢（Leanne）將來的合作：「之後會有合作，其實呢個深入、深度合作都係Leanne發起。我同Leanne識咗好耐，所以今次合作二話不說就答應。」

他透露，最近主要忙於經營健身室生意：「而家都有五間，嚟緊打算開第六同第七間。生意都還好，好慶幸喺呢個時勢都頂得住。」他表示，健身室專攻女士市場，而且採用預約制，而非會籍制，所以會有一班長期客人支持。

早前有女星大爆被開價100萬出席富豪飯局，提到這件事，李爾晨坦言也收過類似邀請：「我都收過有男性向我開價，哈哈，我都多謝佢哋支持同鍾意自己，但係我就唔鍾意男仔。（開價幾錢？）都係嗰啲囉，但係再多都唔會。你問我，我會多謝你。最搞笑係，我都喺《東張西望》透露過，有人要買我對襪，或者係要影相之類。（裸照？）我冇問清楚。如果真係鍾意我，如果有興趣，我好願意大家嚟一齊做吓運動。」