蘇施黃為金燕玲租住清水灣豪宅 2500呎連雙露台超實用
撰文：鄺鈺瑩
出版：更新：
蘇施黃去年告別商台，並轉戰做YouTuber，開設個人頻道「教煮蘇 This is So good」分享美食之餘，亦教大家煮幾味。日前佢入手全座式焗爐並拍片介紹，個爐雖然吸引，但更吸晴嘅係個廚房。片段中，只見新爐拆箱後，由三名裝嵌工人合力組裝，過程中，大家唔需要「攝位」之餘，就連工人姐姐都可以留喺廚房輕鬆欣賞換爐，足見蘇施黃廚房非常之闊落。
其實，蘇施黃早年長居於跑馬地，她亦曾表示過唔會搬離港島區。但在2013年時，佢同金燕玲齊齊搬到位於清水灣嘅老牌大宅，雖然樓齡已達40年，但面積達2500呎，兩廳連雙露台，間隔非常實用。
而當時搬屋嘅原因，有指係因為蘇施黃類風濕關節炎發作，金燕玲貪新屋有大露台且環境清幽，認為適合養病，且方面蘇施黃返商台開咪，最重要係租金比舊居平一大截。而當時嘅同屋苑鄰居，仲有六叔邵逸夫爵士，同李治廷。該屋苑只有32個單位，每層2伙，單係客廳已經有800呎，氣派與洋房看齊，亦十分適合平日愛煮幾味招呼朋友到家中作客嘅蘇施黃同金燕玲。
點擊睇豪宅環境
+10
同場加映：袁詠儀家中如Hermès珍藏庫 網友爆料：她也需要配貨
+27