蔚雨芯暗交大馬千億富二代　愈變愈靚豪曬25萬鱷魚皮Hermès

有「魔鬼胸」之稱嘅蔚雨芯曾被指暗交馬來西亞超級富二代，由基本嘅豪宅、專車接送、出埠坐頭等機位到二千呎美容公司，生活富貴。而曾表示會為美容產品做白老鼠嘅佢，外表與其生活一樣同步進級。

蔚雨芯於2019年與朋友合資近百萬元建立自家品牌，專門售賣女性保健、美容用品，短短兩年間，雖然各行各業都受疫情影響，但蔚雨芯就似乎愈戰愈勇，並表示由「最初得200個代理去到𠵱家有600個代理跟我搵食」，平均月賺過百萬，並在荃灣租2,000呎嘅甲級寫字樓。

月賺過百萬嘅蔚雨芯，不時在IG分享「心頭好」，由炒價約為10萬元嘅Hermès Birkin到最難入手嘅Hermès Kelly、Mini Kelly都有，就連25萬嘅鱷魚皮款亦都有，比起昔日只用LV小手袋，身價幾級跳。另外，身為美容品牌老闆娘嘅佢，近年其雙眼皮亦愈變加深、鼻樑升高、輪廓更為精緻，獲不少網民大讚。

同場加影：蔚雨芯女王Look超級性感高貴　另一個公主造型騷美腿一樣靚