傳余慕蓮患血癌命危　情況不樂觀留醫深切治療室插滿喉

83歲資深演員余慕蓮早前傳出因肺纖維化而在入院伊利沙伯醫院的ICU，今日有傳媒致電醫院，有接聽女護士表示余慕蓮現在已經插晒喉，更着她的家人不用打電話給她，情況似乎不太樂觀。據報道指，余慕蓮患上了血癌，因為情況不樂觀，所以原定要進行的標靶藥治療都被迫延遲。據余慕蓮的朋友透露：「因為啲血病菌傷害咗個肺，所以佢個肺好弱，要同佢插喉。」

余慕蓮的好友鄧達智經透過電話回覆《香港01》查詢，證實了余慕蓮入院ICU的消息：「佢入咗ICU，而家冇乜實質嘢可以做。（余慕蓮有血癌？）正常情況下，唔想講呢樣嘢，因為醫生未出嚟講。（有傳佢需要換血？）佢係換緊血，我哋都有講電話，係呢兩日失咗聯。」

他續說，因為余慕蓮沒有親人在香港，所以只知道她入了ICU，不太清楚她現在的狀況:「我哋做唔到嘢，唯有等佢喺ICU嚟。（余慕蓮）入院後入ICU前，醫生都好好，特別安排朋友入院睇佢。」