楊丞琳分享每日穿搭暗放閃　曬李榮浩禮物：先生又幫我買衣服了

新冠肺炎疫情反覆，令全球各行各業停擺，各國實施出入境管制，令唔少家人分隔兩地，楊丞琳李榮浩呢對小夫妻就係其中一員。雖然多月無法見面，但李榮浩不時出招隔空冧太太，呢日Rainie又喺IG大放閃光彈。

Rainie上載是日衣著，同佢一向打扮有少少出入，原來又係李榮浩隔空冧太太嘅招數：「昨天突然收到兩件來自順豐快遞的衣服。心想：我沒有訂它們啊！而且這麼亮，怎可能是我會買的。結果一問之下才知道，先生又幫我買衣服了！雖然依然是我比較不會碰觸的亮色系，但不得不說，真適合我。P.S 另一件是個長袖帽T，等天氣冷卻再穿吧。」