【世界冠軍教你】六大貼士極速育成專業單車手

單車初學者要成為專業車手當然唔可以一步登天，唯有努力練習。
但都有啲小貼士，可以令你短時間內見到顯著嘅成效，令你進步神速，快啲Mark低佢啦！

1.　改變呼吸習慣

平時我們會用「被動呼氣，再用力吸氣」的方法呼吸。但當你踩單車時，你需要改變平時的呼吸習慣，用力呼氣卻被動吸氣，這樣可以改善「氣流」，讓你不會喘不過氣，要讓呼吸和踩踏保持某種固定節奏。

2.　Keep住飲水

脫水是影響表現的最大原因，所以要提醒自己記得飲足夠的水！你可以喺自己嘅手錶、電話Set Timer，每20分鐘就會有「嗶嗶聲」響起，提醒自己要飲水或者運動飲料。最重要是有「嗶嗶聲」，因為要擺脫嘈音，就必須「㩒」停佢，咁你自自然然會記得飲返啖水，習慣成自然。「飲水」是為了走更長的路！

3.　落斜時都要「Keep住轉」

當你踩完上斜路，你最期待一定係落斜，讓雙腳休息一下，任由單車向下滑行，但其實雙腳完全唔郁係錯誤嘅示範。相反，即使係落斜唔使點用力，你都必須「Keep住雙腳轉」，原理是在低阻力的情況下亦保持頻率的活動，可以增加穩定性，而且保持一定嘅速度。同時，在寒冷的天氣可以防止肌肉僵硬，亦幫助泵走肌肉中的乳酸。

4.　練習「換胎」

「啊！爆軚！」相信是不少單車手在長途騎乘中都有發生過的事故。出門前檢查清楚固然重要，但意外係意料之外，都要有最壞打算。所以準備定挖胎棒、外攜式打氣筒、鉗子、新內胎，亦要學識換胎。

5.　習慣10％站立騎乘時間

當你進行了長時間的路程，依然保持同一個位置、姿勢，會令你身體僵硬。你可以嘗試站立騎乘，並把站立騎乘時間控制在總騎乘時間的10％。這有助你舒展肌肉，減低坐墊壓力及疲勞感。特別是爬坡時，使用站立騎乘的方式踩，腰部稍為向後移，握住把手胸前用力拉，腳踏往前踩，同時要維持平衡，自然地運用上半身的肌肉群。這樣可以減少上斜時腰部所承受的壓力，亦能保持速度。

6.　保持腳踏頻率

腳踏頻率意指每分鐘你雙腳回轉的次數。當一個車手的腳踏頻率飄忽不定時，不穩定的輸出功率，容易導致肌肉勞損和浪費體力。職業車手總是選擇 80 rpm 至 90 rpm 之間的腳踏頻率，身為初學者的你也可以此為目標啊！

（本文純屬作者意見，不代表香港01立場。）