細囝生父成謎成狗仔隊頭號跟蹤目標　楊思琦：終有一日會曝光

今日（14/5）楊思琦生B後首次現身新城電台為節目《開心大派對》進行錄音訪問。自從細囝Kody今年二月出世後，家裡洋溢著歡樂氣氛，思琦更大讚女兒楊卓穎夠體貼幫手照顧細佬：「佢見慣咗宜我點樣幫細佬換片同餵奶之後，佢已經變得好熟手，連我餵完奶幫細佬「掃風」時唱嘅歌，佢喺耳染目濡下都已經識唱歌俾細佬聽，佢好多細節嘢都好幫得手。」

楊思琦為保細囝生父身份，一直只對外宣稱是圈外人身份成謎，故成為各大媒體頭號跟蹤對象，派遣「狗仔隊」日夜在住所屋苑出入口守候進行跟蹤，希望能第一時間爆相爆片報道。（成為跟蹤目標，會否為生活帶來負面影響？）思琦坦言：「一切都順其自然，好多時你哋啲朋友都有跟蹤我，咁唯有盡量低調放輕鬆，我又唔會因為咁小嘅事，而每日都要去提心吊膽，因為我仲有好多嘢忙，仲有好多嘢要兼顧，所以都理唔到咁多。」（怕唔怕老公身份曝光？）思琦笑言：「我諗終有一日會曝光嘅！」