【武漢肺炎】蔣麗芸蒸口罩論全港抽水 杜蕾斯:唔好攞安全套清蒸

撰文:卡洛兒
出版:更新:
武漢肺炎肆虐,本港亦陷入口罩荒,市民紛紛四出撲口罩,但民建聯立法會議員蔣麗芸竟提議把口罩高温蒸氣當消毒,以解燃眉之急,卻被衛生防護中心總監黃加慶直接打臉,強調外科口罩只能使用一次,不能重用。蔣麗芸言論引來網民爆笑,連安全套品牌「杜蕾斯」(Durex)都在facebook出帖「抽水」,笑言安全套亦只能一次性使用,「大家千祈唔好攞去清蒸!」。

下載「香港01」App ,即睇城中熱話:https://hk01.app.link/qIZYuEC5LO
「杜蕾斯」fb專頁昨日(30日)上載一張Q&A圖片,指「如何正確翻用一次性安全套?冇辦法」。帖文表示,近日坊間流傳「dom dom高温蒸氣消毒大法,性博士 #杜Jer 重申,安全套只能供一次性使用,大家千祈唔好攞去清蒸!」,又標籤了「性女蒸得」、「唔系咩都蒸得」、「蒸蒸日上」。
帖文引來網民爆笑,大讚「咁都有得抽秋水」、「D記好波」,又言「點蒸都無用啦,水已被抽乾了」、「你唔早啲講,當年蔣生可能就係翻蒸咗個全套累事」,有人則笑言「揾個人咁大嘅蒸籠,殺精殺菌殺埋自己」。
↓↓↓ 按圖即睇【重用口罩點解唔得】 ↓↓↓
+3