【11.19．理大】留守者陸續離開　飯堂照開放　廚師：冇心灰意冷

理大攻防戰持續未完，縱使昨晚已有部分人從理大離開，現時相信仍有示威者留在校園內，而警方維持在校園外高武力戒備。記者走訪校園，發現理大內的示威者被困三日，他們甚為疲累，不少留守者四散在校園各處，偶爾會出來透透氣，亦有留守者前往飯堂食飯。

而飯堂內仍有人在處理食材，為留守者準備膳食，戴著頭盔和口罩的廚師接受訪問時稱，煮飯便是自己的抗爭方法，「我就淨係煮飯，我唔識打人」。

廚師稱，若有大批示威者在內，食物或會不夠，「依家個個都走，今日實夠啦。」問及陸續有留守者離開，他的心情如何，會否失望，廚師斬釘截鐵地稱，「冇心灰意冷，只要我哋仲守，最後一秒鐘淨返一個人，佢唔忍心見到我哋死就得。」

過去數日都在飯堂為留守者準備膳食的廚師稱，會堅持留守到最後，就算警方攻入校園，亦會對抗，「我第一日就話，我會守到最後一秒鐘，只要有一個抗爭者需要食飯，有需要食嘢，佢嚟搵我，我就畀嘢佢食。」