【尋秦記】項少龍短Tee襯古裝　古天龍貴州開工心情大靚

神劇《尋秦記》喺大家千呼萬喚之下，終在18年後開拍電影版，而喺上月舉行嘅影視博覽中，古天樂更親自率領有份演出嘅林峯、宣萱、雪兒、郭羨妮、滕麗名出席發布會。說時遲那時快，原來古仔日前已飛抵貴州，並準備為《尋秦記》電影版開工。

由網上流傳嘅照片所見，古仔穿上白色短袖T，外面套上一件戲服，再加上髮髻，項少龍is back！雖然烈日當空，但古仔就非常認真同工作人員傾談拍攝事宜，在旁有工作人員用紙筆紀錄。至於另一張照片，古仔手上拎住戲服，同工作人員邊講邊笑，心情大靚。