【九龍城覓食地圖】帶你快搜10間城寨必食多國菜
九龍城區包括紅磡、新蒲崗、九龍城餐廳林立，去呢區包你搵到好嘢食，e肚仔今次遊走晒呢三個美食集中地，精選出非試不可特色食肆！當然食肆大部份集中喺九龍城，呢一帶聚集咗頂尖嘅泰國菜館，特式小店賣甜品小食亦越開越多，新舊美食雲集，為呢個舊區帶嚟精彩一面！
=>立即下載e肚仔 發掘九龍城區美食
爸B燒
年輕爸爸一嘗創業夢，目標係將新蒲崗打造成消夜街。爸B燒主打串燒美食，同時加入泰式風味好似生菜包、金邊粉，店主就知港人一向鍾意食串燒，加上平日收工收得夜，放咗工去食消宵最好不過！爸B串燒選擇豐富，海鮮、肉類、炸物、蔬菜都有，另有佐酒小食、涼菜，亦有飯麵供應一定夠填飽肚，星期一至日都會有一款優惠串燒！
金菇肥牛串
燒茄子
蒜蓉粉絲燒大元貝
炭燒豬頸肉
地址 | 新蒲崗富源街19號地舖
台風味
台灣美食人人愛，但喺香港食台灣嘢就唔夠抵食！呢間餐廳就大走平民價，套餐包飮品大約$50-60，佢嘅台灣牛肉麵好食而且份量足，老闆每日親自炆煮，牛肉入口即溶，除咗牛肉麵、仲有酥炸雞、滷肉，都係必試小食！
招牌 | 紅燒牛肉麵、麻辣鮮牛肉新竹米粉
地址 | 新蒲崗康強街17A號地舖
順興餐廳
懷舊冰室絕對係港人共同回憶，近年都出現多間舊店新裝嘅復古冰室。呢一間嘅迷人之處係佢嘅炒蛋、蛋球、蛋撻同鐵板扒餐做得出色，每日一到下午茶時段就有香噴噴港式麵包新鮮出爐，仲有無冰樽裝奶茶、咖啡、鴛鴦可以畀客人外帶慢慢飲。
肉絲炒麵
沙爹牛肉包
番茄湯米線
焗芝士肉醬意粉
地址 | 九龍城衙前圍道56-58號地下
小曼谷海鮮燒烤屋
想食正宗泰國菜，識食一定係食小曼谷！每次同朋友去食大家都會讚口不絕，多年嚟食物質素都保持高水準，以下呢啲係每次食完都念念不忘要encore嘅菜式！
魷魚筒釀糯米飯
冬蔭鮮蝦雲吞湯
泰式生蝦刺身
泰皇咖喱法包軟殼蟹
地址 | 九龍城太子道西398號御太子地下1-3號舖
譽滿點心專門店
呢間嘅廣東點心出名性價比高，每日新鮮製作，即叫即製，雖然點心選擇唔多，但蒸，煎，炸，腸粉，甜點，蒸飯樣樣有齊，每款出品都有水準，較特別嘅係青芥末子母餃同黑松露野菌水晶餃，係點心師傅嘅誠意之作！
青芥末子母蝦餃
黑松露野菌水晶餃
蟹籽蒸燒賣
鮑汁花生炆鳳爪
地址 | 九龍城衙前圍道70-72號金滿樓地下
Hangry Baby
一肚餓個人就心情變差，好似呢間串燒店名一樣會餓到好「Hangry」！呢間串燒店主打生燒雞翼同雞髀，肉厚多汁，配埋燒汁一齊燒，超級惹味～
豆卜小鮮肉
十二刀雞髀
串串西蘭花
陸地四寶
優惠 | 豆卜小鮮肉 $4 (原價 $18) (即日起至31/10/2018)
地址 | 九龍城衙前圍道66號地下F1鋪
火上煲王
一到入秋天氣，一眾火鍋控又時候相約打邊爐！呢間出名抵食夾大份嘅火鍋店，主打一系列雞湯底火鍋，店主重點推介椰子雞鍋，椰子水純清甜，雞肉嫩滑，值得一試再試！
招牌 | 正宗椰子雞鍋、秘製奇味花膠雞煲、胡椒豬什鍋
地址 | 九龍城衙前圍道54號地下
亞泰廚房
大廚有超過六十年烹調泰菜經驗，敢於創新，喺傳統泰國菜式中，加入唔少西式同港式烹飪風格，創出新派泰菜！
招牌 | 亞泰炸子雞、香茅焗大虎蝦、泰式三味烏頭
優惠 | 海南雞飯 (即日起至31/10/2018)
海南雞半隻 半價-> $59
明爐青檸烏頭 半價-> $88
地址 | 九龍城獅子石道77號地舖
良辰吉時茶飲專門店
台式茶飲嘅風潮亦吹到九龍城，就係呢間由台灣著名藝人納豆創辦嘅良辰吉時，唔洗介紹都知門外經常大排長龍買啵爆黑糖厚鮮奶，選用100%日本明治鮮奶，上面仲有層厚奶霜同灑上脆脆黑糖，好邪惡！
招牌 | 愛情動作草莓牛奶、火龍果珍珠鮮奶茶
優惠 | 髒髒茶 (即日起至31/10/2018)
買黑糖啵霸厚鮮奶 8折
地址 | 九龍城獅子石道93號地下3號舖
尖仔記車仔麵小食店
車仔麵係香港人獨創嘅名物，雖然配料大多數係蘿蔔、雞翼尖、牛腩、油麵，但一碗就係包含住香港人本土味，真係要多多支持。呢間嘅配料竟然有豬軟骨，豬軟骨煮到軟滑入味，份量又夠足，性價比高！
招牌 | 秘製豬軟骨、廣東牛腩、韮菜豬紅豬大腸
地址 | 紅磡崇潔街38號地舖