【寵物善終】新興水化善終服務　讓主人更平靜接受寵物離世

今日（17日）是重陽節，除了先人，我們也許會藉著這節日紀念離世的寵物。《香港01》訪問全亞洲首推水化善終的寵物公司Pet To Nature，負責人Mathew表示水化善終與傳統善終服務最大的分別是，寵物分解的過程較慢，冀透過新技術，令寵主在面對離別的時候，可以更平靜地接受這殘酷現實。

寵物善終過程不應來去匆匆

Pet To Nature負責人Mathew接受《香港01》訪問時表示，本身經營了約10年的寵物用品公司，一次機緣下家中的狗狗不幸離世，令他萌生經營寵物善終服務行業：「我一直認為利用火化嚟告別一個人或寵物實在太快，人都有兩星期去準備棺木同葬禮，既然我哋成日都話寵物係自己嘅仔仔女女，咁點解要送走佢哋送得咁匆忙呢？」

水化分解速度比土葬更快

究竟水化與傳統火化、土葬有甚麼分別呢？Mathew介紹指，外國早於2005年已有水化善終的做法：「（水化）起初主要係用於人嘅身上，透過呢種方式可以令到主人喺唔傷害環境嘅情況下同愛寵暫別。其實水化同土葬有一個共通之處，兩者都係分解遺體，但水化就係透過鹼性溶液加速咗整個程序，24小時就可以完全分解變成骨灰（土葬一般分解需時約5至6年），係屬於一種非燃燒嘅過程，比任何其他方法更快咁令遺體天然分解。」

至於水化過程，Mathew表示會在毛孩離世後三小時接收寵物遺體，然後會為牠們清洗身體、消毒再冷藏＂「完成呢一系列嘅步驟後，我會同主人傾下計，了解下佢哋會唔會想為愛寵加一啲嘅陪葬品，之後都會請寵物美容師為小動物整理下遺容，要佢哋靚靚仔仔咁行埋自己最後一程。」

而水化與火化有一項程序是相當相似的，就是主人可以隔着玻璃門，按制將毛孩從輸送帶送到水化機。

未來將拓展水化業務至全球各地

寵物水化與火化服務費用計算大致相同，都是以寵物的重量計算價錢，5公斤以下收費劃一為1800元，每重5公斤另收200元，當寵主確定委託Pet To Nature為寵物策劃善終服務後，他們會安排司機在 3 小時內到達住處，將小動物接走，回到善終公司後為寵物覆磅、清潔及冷凍，待主人安排日期時間送別愛寵。

Mathew表示水化善終服務近年於香港漸趨普及，「由初初公司無咩生意到到宜家增長接近兩倍，我都好有信心水化將會喺未來香港以至世界都會取代到火化同土葬，未來我哋Pet To Nature亦會開始拓展到台灣、菲律賓、以及新加坡，希望更多人可以接觸到呢項服務。」

查詢電話：2434 9866
手機 / Whatsapp：5200 0751
電郵： info@pettonature.com
地址：元朗下新圍路26-28號