【山竹餘波】捨身護狗洪先生感染肺炎　仍留醫ICU昏迷不醒

大埔元嶺村狗場「老有所依動物村」上周日（16日）被「山竹」吹襲，收容所被徹底摧毀，風暴期間收容所負責人洪家棣不幸被硬物撃到，至今情況仍於深切治療部留醫。據最新消息，醫生發現洪先生感染上肺炎，不少網民得知他的劣況後紛紛送上祝福，希望他能夠早日戰勝病魔及早日甦醒。

洪生仍於深切治療部留醫　醫生發現洪生感染肺炎

大埔大窩村荒野的「老有所依動物村」上周日（16日）被「山竹」徹底摧毀，收容所基本上已被夷為平地，風暴期間遭屋內被硬物撃倒的收容所負責人洪家棣，至今情況仍在深切治療部留醫，還未渡過危險期。根據日前（23日）「老有所依動物村-洪家棣 - Tai」收容所最新的貼文寫道：「洪生（洪家棣）仍然未過危險期已經要迎戰另一場丈（仗），醫生話洪生感染肺炎，而且痰液入面嘅係惡菌。」收容所發言人Richard接受《香港01》記者訪問時表示：「至今洪生其實仲未完全甦醒，佢係有意識嘅，但有一個唔係咁好嘅消息就係醫生話佢感染咗肺炎，情況唔太好。」

相關文章：【颱風山竹】狗場場主捨身救狗仍在ICU昏迷　妻子：請珍惜眼前人

網民紛紛為洪生送上祝福

不少網民得知洪生的困境都紛紛留言表示關心，不消一日已有過千留言為洪生夫婦打氣，「洪生要加大油、全香港好多人都支持緊你㗎、你要快啲康復、洪太及毛孩全部亦等緊你返嚟照顧佢地、你要健健康康企起身同大家見面啊！」、「洪生頂住，洪太加油。。。洪太你要記住呢場仗唔係得你兩個去打，而係背後最起碼仲有我哋一班義工支持住你哋，所以呢場仗我哋一定係會打勝仗」、「洪太請不要給自己太沉重啊，請保持堅強，你的強大能量就是洪生的強大搏鬥力量，請妳加油！」

狗場目前資金緊絀　重建狗場開支龐大

洪生入院一事並沒有令收容所重建一事而怠慢，洪太及眾多義工在風暴後亦旋即回到自己的崗位為狗場出力重建。「宜家我哋每一日平均有20-30個『老友』嚟幫手清理狗場入面嘅雜物，基本上係仲需要多啲人嘅，宜家仲係唔夠人去處理咁龐大嘅工作量（清理風暴後的雜物）。」有見狗場經已被夷為平地，被問到重建狗場及支撐日常開支是否吃力時，Richard有點無奈地表示：「暫時我哋嘅資金只可以支撐二十幾隻老友記（狗狗）短暫嘅醫療開支同營運，但如果長遠嚟講呢，係唔足夠嘅，尤其係重建（狗場）嘅資金，我都好希望我哋可以快啲渡過呢個難關。」

相關文章：【颱風山竹】狗場場主捨身救狗　遭瓦礫撃致腦出血仍未脫危險期

狗場發言人Richard亦表示非常感謝不同的善心人士和「老友（義工」的風暴後的協助，「現時我哋狗糧是足夠嘅，但濕糧罐頭仍然不足，同埋其實我哋最逼切嘅係要一部嘅『細夾車』，由於狗場入面有大量垃圾和散落鐵皮，我哋需要用佢嚟幫手清理，以助他日重建之用。」Richard感激地表示。

Richard呼籲若有《香港01》讀者或網民希望伸出援手，可透過Whatsapp聯絡6371 1322（Joey）或9094 6968（Alvin）或瀏覽他們「老有所依動物村-洪家棣 - Tai」的Facebook專頁上查詢捐款程序。