王賢誌搭地鐵最拍乜？　三十幾度迫埋一齊最辛苦

王賢誌今年榮升做東華三院主席一職！最為人認識是前年與拍拖7年男朋友Kevin,在溫哥華註冊結婚，成為一時佳話！外表斯文靚仔，感覺畀人一種又乾淨又姿整，夏日炎炎，相信好多人會遇到濕嘅感覺（出汗），佢又有乜心得可以保持乾爽呢？賢誌表示其實每個人都會面對呢個問題，他說：「我就會用止汗嘅爽身粉，夏天時，我會一日沖兩次，早晚各一，保持自己乾淨，如果我搭地鐵時，好多時候都迫埋一齊，難免有陣味，呢種情況都好難預計，咁唯有避開，轉個位置，唔好迫自己面對嗰種臭狐味。」不過眾所週知，王賢誌出身富貴，但都會搭地鐵？認真夠貼地。

夏天好多女士們都將自己胳肋底毛毛毛剃走，男士們都可以學女士們咁爽一爽，賢誌又點睇？賢誌坦言：「我自己就冇剃，男仔可以自然啲，簡單啲啦，女性如果有嘅就有啲不雅啲，但男士有都冇乜所謂，某程度上如果完全冇就好似奇怪啲囉，咁即係好似光滑⋯⋯咁即係有小小好似有啲sexy咁喎，咁我又冇乜問題，除非太多啦。」