連登仔無樓無婚結！　發文控訴政府商人：可唔可以放我哋一條生路

香港樓價高企加上土地問題，年青一代置業難已經成為老問題。有連登仔於討論上以「一個政府害我無咗一段十年嘅感情」為題發文，指自己因為無能力買樓上車與女朋友結婚，結果被女友媽媽排斥。樓主更在文中大喊「求下你哋（政府及商人），比條生路我喇！」

連登仔指自己現年30，與女朋友拍拖已經10年，但其間一直為住屋問題而煩惱，所以至今未有結婚，亦沒有計畫生兒育女。樓主說自己月薪約2.4萬，自認「無本事亦無志氣」，「眼見呢十年社會嘅發展，樓價越嚟越貴，我哋呢一群人越來越無希望」。

樓主指，月入少於1.2萬的90後根本不多，靠公屋上車注定無望，抽居屋「仲難過（中）六合彩」。樓主的爸爸在5年前曾經向樓主表示，會支持他買樓，不用擔心，但到了前日，爸爸向樓主說「阿仔對唔住，我真係無本事幫你再買樓了，我哋就快退休都擔心將來而家啲嘢越嚟越貴」。樓主當時安慰爸爸，說不用擔心他，「你養到自己已經夠㗎喇，多謝你照顧我到30歲」。

直至數日前，樓主到女朋友的家吃飯，女友媽媽說樓主計劃買樓已經有數年，質問他為何仍然未買到樓，「你係咪要返啲責任感？」。樓主說自己「當場飯都食唔落」，然後說了一句對不起，指自己沒有能力給予女朋友幸福，要她與自己「一齊捱」，「但我會好錫佢，唔會包二奶、搵小三、令佢傷心，佢聽完繼續食飯唔出聲」。

飯後，樓主至清晨4時許仍然未能入睡，不斷反省自己，問自己「點解咁無用」，更想起數句由朴樹主唱的《平凡之路》歌詞－「我曾經墮入無邊黑暗 想掙扎無法自拔　我曾經像你像他　像那野草野花　絕望着　也渴望着　也哭也笑平凡着」。

樓主女友其後表示，「你下星期唔使嚟食飯喇，阿媽話唔想咁多人上屋企」，而樓主只能無奈地答一句「唉」。他指自己「個心好似就快崩（潰），就快碎，無晒心機」，大嘆「到底一個點嘅社會先可以令一班年青人搞成咁，咁無助、咁無將來，到底可唔可以放我哋一條生路」，希望即使商家和政府減少收入，都可以幫年輕人一把。

雖然有網民批評樓主「如果你無盡力，咁人哋老母話得你無錯㗎喎」，因為「你望下其他情侶要買樓，真係節衣縮食死慳死抵，分分鐘仲要撈多份，搏晒老命先上到樓」，不過亦有網民為樓主平反，指月入2.4萬其實相當普遍，「但搵個住嘅生活基本條件都咁難」，買不到樓已經不是樓主的問題，「將啲唔食、唔玩、唔訓，先上到車嘅case變成合理，可見幾多受苦嘅人已經視受苦係正常」。