陳偉霆緋聞女友Bruna受男方粉絲攻擊：不過我唔識睇中文

與陳偉霆（William）傳緋聞女友的巴西籍女模Bruna G Marth昨日出席活動，提到早前因受對方粉絲恐嚇威脅而要報警備案，Bruna表示現時情況稍為好些，但上月到上海、北京工作時，依然繼續有網民在她的ig、facebook以及微博上留言攻擊她：「不過我唔識睇中文。」對於有網民指William模仿韓國天團Big Bang隊長G-Dragon，Bruna說：「佢哋都唔同類型。（你覺得邊個靚仔啲？）William，因為我哋係朋友。」

同場嘅王曼喜與王麗嘉（Irisa）兩姊妹孖住到夜場出席品牌活動，於美國升學的Irisa今次放復活節假返港，她透露5月便正式大學畢業，問到想從事甚麼工作，她說：「仲諗緊，都想喺美國做全職model。」提到她擁有一副美好身材是怎樣去keep fit，她直言：「無咩特別方法，一向想食咩就食咩，又懶做運動。」家姐曼喜即代答：「佢身材咁好係天生嘅。（但你哋媽咪上圍唔算咁豐滿。）應該係遺傳咗爹地嗰邊。」Irisa又謂有時也會被人眼甘甘望住自己的身材。