【歡樂滿東華】表演環節蝦碌冇新意 咁樣點叫人捐多啲錢呀？
撰文：黃梓恒
出版：更新：
《歡樂滿東華2017》今日開騷，每年都會有一次這樣的慈善籌款活動，馬拉松式地做幾個小時，途中有拍賣環節，有遊戲，亦都有表演節目。而作為一個慈善活動，大家愈落力表演，善心人士看得高興，可能就會捐更多的錢，所以每位有份表演的藝人都會希望做得盡善盡美。
在節目一個環節，由蝦頭、文凱玲、莊思明、彭慧中和劉溫馨表演敲擊樂，用廚房的廚具去做樂器，名為「愛心廚房敲響樂」。看落好像好有噱頭，不過她們五個女士一出來就嚇一嚇人，事關站在中間的蝦頭一面重妝，嚴重過白，看得觀眾們嘩了一聲。最慘的是，她們只是拿著杯不停的敲枱，一開頭都好地地，但之後就愈來愈亂，因為硬加了不少其他樂器。結果就搞到甩beat加跌杯，情況十分之尷尬，既然用了時間去綵排，但為什麼會咁亂同兒戲呢？