旺角港女狂扯壯男影片瘋傳!怒吼:你玩X完 揭心酸內情風向逆轉

家家有本難念的經。本港網路瘋傳1段影片,指年廿八(1月27日)深夜旺角街頭有1名港女當眾激動狂罵1名男子,怒吼「你係唔係人!」、「你人生玩X完喇!」、「你無X得救㗎喇!」,最後更把男方強行拉走。
影片引起網民熱議,有人批評港女行為離譜,「黐X線,咁X樣係街情緒失控」。不過網民聽過對話內容知悉心酸內情後,風向逆轉,「個女嘅咁激動,個男嘅肯定慣犯+唔生性……」、「你試過俾人激到精神崩潰就明」。
影片瘋傳後,報稱是片中女子在網上留言表示,事件已嚴重影響生活,稱願意接受批評,但懇求大家能刪除影片,又語重深長指:「奉勸大家一句,遠離賭博」。

男女旺角街頭爭執
有網民1月27日(星期一)在Facebook群組「香港突發事故報料區及討論區」發布影片,留言「27號花園街街市浪漫夜」。
影片見到,當時正值深夜,旺角道街口有1對男女正站在馬路邊拉扯,其中女方用力拉着男方激動怒吼:「啊!!!我幫你頂……你同我轉頭玩啲咁嘅嘢?你係唔係人。啊!我問緊你係咪要咁樣玩啊!啊!!!」。
女向男怒吼:你人生玩X完喇!
女方多次用力按男方的頭及「篤面」,男方伸手掩臉阻擋。女方則繼續激動表示:「你真係夠喇!你人生玩X完喇!你知唔知啊!你走啊!你同我返屋企啊!你搞到阿爺阿嫲啊!」。
女方之後想強行拉走男方,走回路邊後再罵:「輸2,000萬?你澳門輸幾X多你唔X講啊!你無X得救㗎喇!你返屋企跪阿爺阿嫲面前啦,你老X 」。女方邊罵邊拿起散落地上的物品,最終強行拉走男方。
揭心酸內情風向逆轉
網民看過影片議論紛紛,有人指摘女方行為離譜,認為不應在街上大吵大鬧,「黐X線,咁撚樣係街情緒失控」。
但有更多網民聽過對話內容知悉心酸內情後,反撐女方,「斷估攞副身家去賭,輸咗仲爭人錢」、「可能係賭債……個女嘅咁激動,個男嘅肯定慣犯+唔生性……」、「一家唔知一家事,唔好喺度取笑人」、「我哋有資格笑人咩,有邊個唔係死撐住呀,每個人觸發點都唔同,分別在於點釋放出嚟」、「真係笑唔出,你試過俾人激到精神崩潰就明」。
報稱片中女子網上懇求刪片
影片影片在網上瘋傳後,報稱是片中女子在網上懇求刪片,稱願意接受批評,但事件已嚴重影響生活,甚至稱「事態嚴重,已牽涉到人命」,希望網民能體諒其處境「求下你了」,又指你哋可以繼續取笑、無視,得閒留個言,因為你哋身上冇發生過」,又奉勸大家遠離賭博。