移民英國心淡!移英港男呻不開心 力數3大罪狀:比香港更多恐懼

【移民英國/移民須知】移民前要想清想楚!有移民英國港男於社交平台發文,大呻「英國比喺香港更多恐懼」,並力數3大問題,直指「冇一日開心過」。
帖文引來網民熱議, 有人表示感同身受,「完全身同感受,昨日在倫敦的China Town遇上小偷」、「住喺英國真係住到ptsd」、「喺英國啲人真係生存唔係生活」;但也有網民認為要努力適應,「呢個世界冇完美嘅地方」、「如果覺得唔適合,試下轉區轉省」、「驚呢樣驚嗰樣!咁樣做人真係唔得㗎!」。

移民英國港男呻生活不開心:英國比喺香港更多恐懼
移民英國生活不似預期?有港男於社交平台Threads發帖文,大呻在英國生活辛酸,「嚟英國係想要免於恐懼嘅自由,但原來喺英國比喺香港更多恐懼」。
樓主解釋,英國存在治安問題,他每天都要活在「恐懼」之中,包括害怕「被偷車」、「被打劫」及「被搶電話」,直指不開心,「即係我連喺街撳電話嘅自由都冇,晚晚發夢被偷嘢,冇一日開心過」。
掀兩派網民爭議
網民看過帖文議論紛紛,有人感同身受,「完全身同感受,昨日在倫敦的China Town遇上小偷」、「住喺英國真係住到ptsd」、「講得啱,英國水又加電又加咩都加,稅又重,人工普遍又低,喺英國啲人真係生存唔係生活」、「出門小心啲,唔好成日以為好安全。同埋呢,啲人成日以為華人好有錢,時不時被人爆夾都係日常」、「咁冇安全感真係會好辛苦喎……不如真係考慮搬去安全啲嘅區」。
不過也有網民認為要努力適應,「我相信有機會改善」、「呢個世界冇完美嘅地方,但既然你冇得揀,又要喺英國生活,就唯有見招拆招。以前成日講work smart,喺英國就加埋live smart吧」、「個個地方都有唔好,差在多與少,如果覺得唔適合,試下轉區轉省,總有治安好啲嘅地方」、「驚呢樣驚嗰樣!咁樣做人真係唔得㗎 !不如冷靜啲諗外點樣改善財政搬返去啲正常嘅地方啦!」、「你去咗邊住?我周街撳電話3年都無事,屋企間中都無鎖門,有次跌咗銀包超市仲叫返我去攞𠻹」。