龍婷與人夫「Hello Kiss」後獲TVB放行　5字回應與丘亞葵會否再見

龍婷自Hello Kiss 後首次現身電視城，為《中年好聲音3》進行錄影，大會原定安排一眾藝人5點半會見傳媒，但最終龍婷於6點才接受訪問。她多次強調「件事已經過咗去，唔想打搞任何人」，又謂多謝公司支持及諒解。問到有無因Hello Kiss 被公司問話，龍婷只係話自己一個多月冇返嚟公司，直到昨晚才返回公司綵排，而受影響嘅工作，她表示只有《星光熠熠耀保良》。

龍婷又話自己過去7年十分努力，而將來亦會繼續努力，未有正面回應Hello Kiss事件會否影響形象。而對於丘亞葵以朋友式Hello Kiss 形容二人嘅親密行為，龍婷亦未有正面回應，被問到會否再見面，她只說：「件事過咗去」，但她表示以後與朋友見面時會小心：「再熟嘅朋友會小心啲。（同已婚人士呢？）工作的話可以。」