卓亦謙包攬四大新晉導演獎 慶幸跟爾冬陞合作︰刻骨銘心的幸福
撰文：許育民
出版：更新：
香港影壇盛事《第四十二屆香港電影金像獎》現正隆重舉行，大會安排劉嘉玲頒發「新晉導演」獎，結果《年少日記》的卓亦謙以大熱姿態勝出，這亦是繼金馬獎、亞洲電影大獎及香港電影導演會年度大獎後，第四個新晉導演獎。
卓亦謙在台上一口氣，多謝一眾台前幕後，更特別提到幸運地首次拍戲，便遇上爾冬陞這位監製。「能夠與爾冬陞合作是刻骨銘心的幸福」另外由於獎項可獲現金獎，卓亦謙在台上跟新婚太太笑指︰「可以畀家用，我愛你！」
最後，卓亦謙特別在台上，向未來的自己說出一番話︰「我想同未來嘅自己講幾句說話，阿卓，未來嘅你一定會遭遇失敗同埋低潮，但係你唔好唔記得你拍戲嘅時候，你幾咁好彩，遇到一班幾咁好嘅人同你一齊行。佢哋陪住你，亦都幫咗你，佢哋令你想成為一個更加好嘅人，佢哋相信你，所以，阿卓，你都要繼續相信你自己！多謝！」