YouTube頻道「試當真」人氣近月節節上升，成員之一的陳苡臻（Jessica）亦因此愈來愈受歡迎，Instagram追隨人數不但直逼12萬，更得到不少廣告商青睞，找她在社交網站出「業配文」（業務配合文章／Advertorial）。繼手提電話、電訊商和虛擬銀行後，Jessica最近又接了雪糕甜筒廣告，非常犀利。Jessica在帖文中寫道：「每個人嘅靈魂深處都隱藏住獨特個性，但只要堅持所想，光芒終有一日會被人發現！」不過網民就似乎不太在乎她講什麼，只留意到她在其中一張相中大騷香肩以及靚靚鎖骨，更有人留言：「甜死」、「想做支甜筒」。
點擊下圖觀看Jessica的IG靚相同時數數有咩廣告：
《第四十八香港國際電影節》今日（8/3）舉行記者會，陳苡臻（Jessica）第一次主演的電影《敗走麥城》將會在電影節舉行首映，全片在加拿大拍攝，亦有不少英語及普通話對白，絕對是考驗語言能力。
作為第一次做女主角，陳苡臻自言未有請教男朋友游學修：「我任何演出都不會問佢，我想用自己方式演出，問完怕會有對方影子，所以自己想試咗先。」對於首次演出，Jessica都開心沒有太多Ng：「我有個花名叫『One Taker』，取名自溫碧霞姐姐，拍試當真時好多時都一Take過。」
談到試當真，最近因為試當真官方帳號已冇再追蹤Kayan9896的社交平台，傳出當事人已離開試當真，問到Jessica可知道真有此事時，她答道：「我又真係唔係好清楚，因為私底下都冇過問工作事，關於呢方面可能要問番公司回應，由佢哋交代比較好。」
至於早前游學修有個帖文疑似隔空斥罵對方，Jessica都指有留意到：「我都唔知佢講邊個，佢成日喺網上發表偉論。（記：有冇八卦佢講緊邊個，會唔會係講你？）如果係我都幾搞笑幾特別，我要問下佢。」
提及同公司的Kayan9896與Locker各自有新戀情，Jessica都有祝福Kayan9886，至於Locker就不敢肯定，私下都冇傾過，自己都不認識Marf，有機會都想認識下。
