【籃球世界盃】周健宏FB發炮為港將抱不平　「總會可以擺龍門」

昨晚（26日）世界盃外圍賽亞洲區資格賽於修頓室內場順利完成，香港隊以74：133不敵新西蘭，一個晚上的過去，前港隊成員周健宏在社交平台上表達出自己對現今港隊的感受，「今朝起身聽到其他國家話到香港係去旅行其實真係有啲嬲。」，然而氣憤的卻不只因為被外國球隊輕視，而矛頭則直指本地籃球的內憂。

周健宏是港韓混血兒，在香港出生，曾效力甲一安青和南華，未滿20歲便已入選港隊，2009和2010年分別於香港東亞運和廣州亞運為港隊披甲，2011年更於港澳埠際籃球賽中攻入全場最高的12分，協助港隊大勝澳門。綽號「肥宏」的他，於2016年成為首個踏上KBL舞台的香港球員，現時效力韓國籃球聯賽球隊全州宙斯盾。

曾向籃總表達代表港隊意願

周健宏於文中回憶起當年自己效力港隊的事：「記得我第一次打香港隊係2009年嗰陣時洪生做班主，打的是全香港最好的球員，雖然都係輸但輸得好睇。而我最記得一句說話洪生當時問我你係香港隊有咩目標，我答：我會俾心機學嘢。好記得俾人插到飛天！佢同我講我要你打香港隊係要你有貢獻唔係俾你黎學嘢。」更提及自己在曾向香港籃球總會表示自己有意為港隊效力，「其實我有問過我可唔可以打但係給我的答覆是如果我打要搞好多複雜嘅文件野，所以不了了之。」另外，周健宏表示總會沒有協助本土外援加入港隊，認為大家都有香港身份證，而香港足球代表隊亦有同樣的情況，但籃球港隊卻做不到。

周健宏認為近年港隊實力亦一般：「老實講依幾年嘅香港隊連香港最強嗰幾對都打唔贏， 連一個球會都打唔贏點樣做一個代表隊，咁樣香港嘅球員會冇咗好多機會」而他亦以惠龍兒作為例子：「好似Duncan 咁, 佢係CBA打嘅時候有好表現但係打香港隊外界的報道還說他未適應CBA嘅節奏，對運動員來講公平嗎？」他表示惠龍兒在CBA的表現，並非是外界看過他港隊比賽後所評價的未適態CBA節奏，對運動員們並不公平。