【滅鼠新招】土瓜灣街市加夜視鏡「睇」老鼠　專家：門面功夫嚟？

區區有鼠患，但是否區區都有認真解決？老鼠平日潛伏暗角，每至夜晚就大為活躍，令街上鼠蹤處處，而食環署的鼠患指數長期偏低，效用屢被質疑。近日食環署提出在九龍城區的土瓜灣街市，實施夜視監察系統，由本月開始，試行為期三個月的先導計劃，希望監察鼠隻的活躍程度及數量。不過透過夜視鏡「睇到」老鼠後，是否就真的可以有效防鼠滅鼠？還是應該由根本做起？

根據九龍城區議會文件，食環署選定土瓜灣街市作為試點，在12月開始試驗安裝夜視鏡監察系統。夜視鏡監察系統擬安裝於私人樓宇外牆、食環署垃圾收集站、街市或街道設施(如街燈、標誌杆)上。該署認為，鼠隻的活躍程度，在有人經過的地方及日間時段均較夜晚為低，因此建議在一些垃圾黑點、後巷和公眾街市安裝具夜視功能的攝錄機，以便監察鼠隻的活躍程及數量。而該署亦已就現有網絡攝錄機計劃事宜向律政司徵詢法律意見，認為計劃基本上未有違反法例。

「使乜用夜視鏡先知有老鼠？最直接睇下有幾多人投訴，就知道問題有幾嚴重啦！」香港蟲害控制從業員協會會長梁廣源指，要知道老鼠數量有很多方法，而夜視攝錄機早已不是新興科技，質疑食環署有「做門面功夫」之嫌，「智能化係一件好事，但其實要數老鼠，人手都可以做得到，最主要嘅問題係𠵱家嘅外判制度，技術監管同埋行政管理都做得唔好。」梁舉例指，現時放出的鼠餌是「食晒冇人理，唔食又冇人理」，認為要杜絕鼠患，只需由根本做起，由社會各界一同配合，改善環境衛生及加強公眾教育。

九龍城區區議員楊振宇則指，鼠患問題在全港各區都已是「講到牙痛」的長期問題，認為食環署多年來無法根治，今次願用上新方法是「好過唔試」，又指未來可以多多參考外國的滅鼠方法，「以我所知，外國有啲藥餌係畀老鼠食完，可以支持到佢哋帶返巢穴，令佢哋集體死亡。喺𠵱家滅鼠永遠追唔上繁殖速度嘅情況下，應該咩方法都應該要試！」