馬鞍山新商場外多交通隱憂　是否加標記要睇居民反應　

馬鞍山新商場We Go Mall於今年5月開始試業，引來不少市民遊覽、消費，但其鄰近道路的交通配套卻未盡完善，令街坊過馬路出入商場時，都大呼危險。有區議員早前與運輸署職員到場視察，希望在有關路段增添交通配套，保障行人安全。

商場的停車場出入口位於馬鞍山保泰街，該處同時設有行人過路處，供街坊出入。不過，沙田區區議員葉榮表示，現時停車場出入口附近並無減速慢駛的提示：「由保泰街嚟嘅車會高速駛入停車場，都幾危險。」他擔心長此下去，可能會有車輛收掣不及，撞倒橫過過路處的行人，釀成意外，故日前與運輸署工程師到場視察，建議在過路處的路面加上「望左」、「望右」的標記，並在車道上加上「慢駛」的路面標誌。「大部分司機見到呢個標誌，即使冇寫限速，都會知道要將車速保持喺時速50公里以下。」

另外，保泰街近屋苑海典灣行人過路處的違泊問題，亦是交通隱憂之一。「過路處前少少就係巴士站，啲違泊車輛會擋住市民視線，睇唔到啲巴士駛離個站，唔少街坊都話好危險。」葉榮建議於有關位置加上雙黃線，以阻車輛違泊，保持路面暢通。

葉榮指，整個過程運輸署都積極配合，惟建議會否被接納，還看公眾諮詢。「運輸署話要睇下諮詢結果，再決定係唔係會整，但佢哋睇完都話有需要整嘅。」公眾諮詢將由民政事務署負責，預計11月尾有結果。