【港鐵四線故障】客貨車司機鬧爆政府無能：今次塞車仲衰過山竹

港鐵荃灣線、觀塘線以及港島線列車於今早（16日）早上出現信號故障，列車服務連續數小時延誤，各區出現大量上班、上學的候車人潮，而路面交通亦大受影響，非常擠塞。交通情況現時正逐步回復正常，不過東九龍情況仍然嚴重。有貨van司機表示，今次交通情況比山竹時更加嚴重，令他們「有單不能接」，大鬧政府「無能」！

「山竹都冇今次咁犀利！」《香港01》記者帶同器材在前往將軍澳期間，貨van司機對今次港鐵4線故障造成交通大癱瘓表示強烈不滿，形容今次「慘烈」情況比山竹期間尤甚，「山竹啲車都仲有機會郁，冧樹封路可以第二度走，同埋打風冇咁多車走出嚟。今次幾條線一齊壞，啲人要返工，平時唔揸私家車今日都揸晒出嚟！」他表示，平日觀塘一帶雖然都有塞車，但只需2、3分鐘就可以「過到」，惟今天動輒都需用上一小時，「仲有幾耐？冇得估啊！佢都唔郁！」

「政府都無能嘅，鑊鑊新鮮，(港鐵)加完價又壞車，搞到我哋都大塞車冇得做！」司機表示，雖然港鐵壞車令call車需求大增，數小時內已有「過百張單」，但大塞車下司機是「有單都接唔到」。事實上記者今早11時用App召車，由荃灣出發往調景嶺，原價$110一直無人接單，及後加附加費$20依然無人問津，直至附加費願增加至$50，才有司機肯接單。「見你咁慷慨加多50蚊咪接囉，我都預咗會塞，只係無諗過塞得咁緊要。」記者不禁問「你係咪好後悔接咗我哋張單」，司機坦言，成本的確超出預算。

各區路面今早情況：

東九龍交通情況

各大隧道入口情況

港島情況