【10.2集會】荃灣二陂坊再三遭破壞　示威者高叫：福建幫出嚟！

十一衝突中，一名18歲中五示威者於荃灣遭真槍擊中左胸位置，今日多區集會以示關注，但其後進行堵路。荃灣除了沙咀道及眾安街被堵塞，多間懷疑與「福建幫」或中資有關的店舖被破壞，包括「聯發麻雀館」等，繼昨日遭縱火後第三度遭破壞，示者更高叫：「福建幫出嚟！」

晚上10時，多名身穿黑衣的示威者，到二陂坊高叫「福建幫出嚟」，他們手持竹支及長棍到聯發麻雀館外，不斷猛打鐵閘。有人撬開大門後，衝入麻雀館破壞，叫「福建佬落嚟呀」，稱要為早前被斬的市民復仇。示威者離開後破壞沙咀道一帶的中資商舖，包括中國移動門市及中國建設銀行分行，以長棍及磚頭破壞門口及招牌。其後向大陂坊一間遊戲機中心噴漆。

根據資料，聯發麻雀館以已最少三度遭到破壞。反修例示威中，警方首次向天開槍事件發生在8月25日荃葵青遊行，於荃灣沙咀道向天示警，事發前，有大批示威者於大陂坊、二陂坊及眾安街一帶破壞懷疑與「福建幫」有關的商舖，聯發麻雀館及遊戲機中心亦被破壞；而昨日的十一荃灣衝突中，聯發麻雀館再度成為攻擊目標，遭破壞鐵閘及縱火。