盲人點打高爾夫球？為擊球聲著迷苦練8年：想知跟我去打返場！

場內，曾仲榮全力揮桿，球桿與高爾夫球碰撞——「鏗」的一聲，球呈拋物線飛出場外，遠遠落在200米牌子的附近草地上，人們大力鼓掌。接著，他蹲下身來，憑記憶伸手向前方一堆小白球，抓到一顆，又將它置於發球點，再次站起來準備揮桿。
他今年57歲，人稱Tiger，雙眼失明，現職痛症按摩師，高爾夫球資歷已有8年。他看不見，無法靠眼睛瞄準小白球位置，卻能異常準確地擊中白球，全憑腦海想像出球飛得有多遠，Tiger笑笑說：「我自己係咁諗：撞上高爾夫球的聲音愈清脆，打出的球就愈靚！」下一秒你可能會問，盲人要如何打高爾夫球？或者Tiger會鬼馬地答：「你想知咪跟我去打波囉！」
攝影：鄧倩螢

高爾夫球不只是有錢人玩意

Tiger與運動的緣份，自於2009年起。那時他透過香港盲人體育會接觸運動，首先認識的是馬拉松，練習了幾次他就覺得跑步上氣不接下氣，辛苦得「想死」，後來才接觸高爾夫球。他起初與普通人對高爾夫的印象無異，以為它是有錢人家的玩意，直至有機會下場打球後，才發現比想像中好玩：「打高爾夫時大腦要好冷靜，唔可以諗其他嘢，打得好自已開心笑一笑，然後再接再勵打下一桿。」

為擊球一聲著迷

Tiger形容擊球一下感覺似「爆玻璃樽」，說到興奮時嘴角不禁上揚：「好開心㗎！」他現在一星期到高爾夫球草地練習場兩次，為求達到最佳狀態。但盲人打球的確沒想像中容易，Tiger也氣餒過，他還清楚記得，許多年前第一次到18洞真草地上練習，每次用力揮出球桿，都換來一次又一次落空及失望：「成日打唔中個波，或者打到個波唔知飛咗去邊，仲會打中隔離個嗰人。」

學打球姿勢靠「用手摸」

初時接觸高爾夫球運動，Tiger無法掌握力度，經常大力朝地面揮桿，不但無法擊中球，草地還凹了一個大洞，為此他還被教練責備，對他戲言：「你唔去耕田？」於是他加緊練習，別人看一次就大概掌握的動作，他要靠手來摸。「初初真係摸住教練練習，摸住佢個頭、膊頭、腰，摸住佢隻手點樣揸棍，點樣上棍，點樣開步，由頭到腳摸曬，佢點郁就跟住佢點郁！」他的手就似一部掃瞄器，靠着掌心的觸感把動作輸入腦裏，開始構造打球的姿勢，一步一步開始模仿。

還原教練動作做高球練習

除了力度，高爾夫球運動還講求準確度。盲人沒法瞄準白球，對他而言是一大挑戰。Tiger卻不以為然，還說高爾夫球於他而言，僅僅是一個動作練習：「我哋冇得瞄準個波，我都睇唔到！只係還原返個動作。」他每次去上教練的課，都是一連串的上桿練習：扭肩，轉腰，把身扭向右邊，雙手隨之提高，上臂與前臂成L字型，然後用力一揮，把桿擊向小球，將以上動作重覆練習，直至成功擊中球為止，Tiger認真地說：「做好一個姿勢，唔可以令自己有錯失。」

「初頭有人同我講過：『你盲嘅咁點打波？』咁你想知咪跟我去打波囉！我想話畀人聽，有視障嘅人唔等於判咗死刑。」

「初初一定係難，連接唔到，顧得手又顧唔到隻腳，顧得腳又顧唔到條腰，到而家為止都要不斷練！」在家裏沒有教練的時候，他就把頭牢牢頂著牆壁，不斷轉動膊頭，不讓頭部跌低或提高，藉此慢慢適應上桿動作：「呢個動作練咗好耐，但係個頭都係成日會郁！」Tiger說打球僅僅是個動作練習，可是打球為他帶來的滿足感，卻不止一個動作練習般簡單。

視障不等於被判死刑　

「初頭有人同我講過：『你盲嘅咁點打波？』咁你想知咪跟我去打波囉！我想話畀人聽，有視障嘅人唔等於判咗死刑，健視人士做到嘅，我哋都做到。跑馬拉松咪一齊去跑、打波咪一齊打，視障界都有好多精英，只不過係你會唔會忽略佢哋？」

「大家都係公平，佢哋認為我打唔到個波，咪打畀佢睇！落到場冇分視障定係健視，只不過我多咗個導向員，佢幫我睇波，我自己一個做唔到，我要靠一對眼，就咩都做得到。」Tiger說話如同擊中高爾夫球那刻一樣鏗鏘有力，這種信心卻並非與生俱來。他31歲時突如其來患上黃斑病變，照亮世界的燈一瞬間熄滅，他曾一度把自己困在家十年，無法走出失明的陰霾，他的故事，詳看下集。