【野豬出沒】西貢野豬曾家族式「出巡」　會翻垃圾桶兼不怕人　

野豬在港分佈廣泛，最近三日內更有兩宗野豬襲人事件，地點包括黃大仙富山邨及馬鞍山輋下村附近一帶。除此之外，有網民反映西貢井欄樹村也甚多野豬出沒，而且經常在村內覓食，數量多達二、三十隻。

西貢區區議員邱玉麟向《香港01》表示，野豬問題在井欄樹村一直嚴重，曾目睹有狗隻被野豬傷至後腳斷裂，最終被人道毀滅。他指香港的野豬已經不會怕人，「市民對野豬嘅認知其實好缺乏，成日覺得佢哋可愛，但唔知佢哋好兇狠、野蠻，可以撞冧蕉樹、垃圾桶，我哋用水喉射佢都唔走！」

邱玉麟認為，問題難以解決的其中一個原因是經常有人餵飼野豬。以前牠們多在山上覓食，現在經常吃農田裏的蘿蔔、芋頭等，以及在垃圾桶內翻找食物。他曾向政府部門反映，而漁農署、獵豬隊人員到場，往往有人阻止，指行爲無異於虐畜。久而久之，各部門只對野豬問題視若無睹。

他又強調，愛護大自然及野生動物固然應該，但當情況已經影響市民生活及安全時，就理應作出控制，有如澳洲亦會控制袋鼠數量。「以前修吓樹都畀人鬧，最後越生越大，冧落嚟壓到人先去處理。而家係好彩仲未聽到有村民畀野豬襲擊，大家只可以避，或者等佢走。唔應該等到意外發生先諗點解決，為時已晚。」

香港野豬關注組成員黃先生則向《香港01》解釋指，秋冬季節野豬出現的機率稍高，而二、三十隻野豬同時出現，只是因為整個族群一起覓食。「係我哋入侵咗佢哋嘅地方，喺城市同郊野邊界遇見野豬係再正常不過嘅事。」他呼籲市民見到野豬時不必驚慌亦毋需報警，只需保持距離、享受偶遇以及靜待牠們離開。