【忌廉哥搞慈善】靈實耆樂餅義賣　連忌廉嫂都要出馬！

人見人愛的明星貓忌廉哥，除了懂得以萌樣俘虜眾人，還常常為慈善出力！別看忌廉哥平日只是一臉懶洋洋，其實牠已與基督教靈實協會合作多年，擔任「小慈善家」、帶領小朋友學懂尊重生命之餘，今年更成為「靈實耆樂餅」的主角，和家族成員一同發揮正能量，透過義賣活動，幫助非政府資助長者服務籌募經費，以生命影響生命，不只人類先做到。

靈實耆樂餅義賣籌款已是第23年舉辦，今年以可愛活潑的忌廉哥擔任主角。耆樂餅普通裝內，有忌廉哥或忌廉嫂大頭零錢包一個，內附鳳梨酥和精選茶包；禮盒裝則印有忌廉哥圖樣、內附忌廉哥不鏽鋼保溫杯及曲奇。一舉手一投足都引來注目的忌廉哥，今次用牠的趣緻表情收買粉絲，希望他們都會出一分力，向長者服務捐出善款，令長者安享有尊嚴的晚年。

忌廉哥主人高先生表示，一直都有與靈實合作，知悉他們在醫療、長者服務方面一直不遺餘力，而今次適逢「忌廉家族」開舖，高先生希望能發揮忌廉哥的影響力，為慈善「做多少少」，「平時忌廉哥喺舖頭坐鎮，都有啲老人家或者係情緒上有需要嘅人嚟，搵佢玩完後又好似會開心啲咁。所以我哋都希望可以喺能力範圍內做多少少！」他表示，以忌廉哥作招牌的耆樂餅，推出不久已經反應熱烈，放在店舖寄賣的存貨亦需「返單」，「好多fans嚟幫手買，見到有佢個樣已經好鍾意，希望可以賣得多啲，幫到多啲有需要嘅人啦！」