廣源邨「交通爭執」爆粗事件|消息:沙田警區反黑組接手調查
沙田廣源邨上周六(10日)發生的「交通爭執」事件,兩輛私家車因於同一出入口各不相讓,其中一司機遭對方瘋狂「爆粗」辱罵,有人更涉嫌「吹雞」及出言恐嚇對方。片段在網上瘋傳後,引起熱議。據了解,事主先後兩度報警求助,警方最初將案件列作「交通投訴」處理。消息稱,警方已將案件轉交沙田警區反三合會行動組接手跟進。
案發在8月10日晚上約10時40分,根據事主提供車cam片段可見,事主駕車駛離廣源邨停車場。該處原有入及出兩條線,惟入口暫時封閉,換言之出口線變成單線雙程行車。當事主駕車駛近停車場出口近廣善街讓線位時,一輛平治從廣善街「斜插」轉入,如依地線而言,平治當時為逆線。
兩車因互不相讓爆發爭執,其中平治響咹後,車上男乘客及男司機先後落車,手指指質問:「走唔走呀?」事主回應指:「你逆線喎!我轉左,點走呀?」平治男司機:「點逆線呀?你有無打燈呀?走唔X走呀?X你老X!」其後繼續連環爆粗,又揚言「打你老X!」事主表示報警。平治男不以為然:「好,我同你玩,X你老X,唔X好走呀!走正縮頭烏龜!」
《香港01》尋獲捱罵司機(化名陳先生)親身剖白,他指當晚只是接載友人後離開,詎料遇上不愉快事件,因擔心家人安全,翌日已再往元朗警署報案,促警方正視及調查,「我老婆兩晚都瞓唔着,我呢兩晚都瞓得好差,擔心屋企人安全先再報警!」警方指,兩案現一併交由新界南總區交通調查組跟進。
陳先生憶述,事發當晚他駕車接載友人後駛離廣源邨,在停車場出入口遇上對方駕平治駛入,結果被人以粗言穢語辱罵及恐嚇,對方更「吹雞」召來6、7名惡漢到場,「佢即刻CALL人,分散唔同地方,叫啲人起哄!」
擾攘一輪後,其後因阻塞出入口而遭保安員驅趕,「保安話我浪費納稅人啲錢!」他遂駛至廣善街咪錶位停泊,對方則立即駛入邨內。適時,警員接報趕至,他立即通知警員將對方截停。
據悉,當時警方列作「交通投訴」處理。惟上有高堂,下有妻兒,陳先生事後夜不能寐,翌日(11日)再親身前往元朗警署報案:「我老婆兩晚都瞓唔着,我呢兩晚都瞓得好差,擔心屋企人安全先再報警,因為(當晚)感覺警察好似唔想做咁。」
陳先生續指,連友人亦因此受驚,不敢出門。「所以我係好驚,畀佢影晒樣,講到明會打我同慢慢玩我!所以警察一定要介入!」他促請警方盡快調查,如涉刑事恐嚇等違法行為,必須將對方繩之於法。
據陳先生引述警方表示,他往元朗警署報案後,案件已交由沙田警區刑事調查隊跟進。警方回覆查詢時則指,8月10日晚上約10時40分,接獲一名男司機報案,他在沙田廣源邨一個停車場,與另一名姓林男司機因道路使用問題爭執。人員接受到場了解後,案件列作「交通投訴」處理。此外,8月11日事主亦再往元朗警署報案。
有居民指,事發當日目擊兩車司機爭執經過,「保安有嚟過勸交,叫大家一人少句,大家走到咪走囉,因為塞住後面啲車」。該居民又指廣源邨落成初期,停車場有出、入兩條線,但多年前已封閉入口,故所有入邨車輛都要單線雙程行車,無論消防車及救護車均用同樣方法入邨,「住咗喺度幾十年,啲車都係咁行!」
![hotline](https://01web-strapi.hk01.com/upload/entrance_banner_a5093e637d.jpg)