【他們的19+1】彈孔殘留 走過盛世 老錶行千錶賣盡即引退
曾經，香港地被喻為「遍地黃金」；曾經，深水埗大埔道金行錶行林立，隨之引來一眾大賊猖獗犯案。店內是珠光寶氣，也是刀光劍影、子彈橫飛。開業於50年代、屹立大埔道30多年的廣生表行，陳舊的裝潢下，殘留子彈孔及斧頭痕等洗劫軌跡。笑看風雲，退休老伙記憶起險被賊仔以「老牛」劏肚一幕，仍心有餘悸。
捱得過槍林彈雨，卻敵不過歲月巨輪，見證香港及鐘錶業變遷，由八九十年代經濟起飛，到回歸後自由行當道，豪客一口氣買十多隻名錶的光景。店東嘆東方之珠的旅遊業光芒不再，內地客源大減，店舖現時掛起「徹底清貨，即將結業」的橫額，賣盡僅存三千手錶之日，就是八旬老闆光榮引退之時。
這間於50年代開業的錶行原名為廣濟表行，其後改名為廣生表行，30多年前搬到大埔道，店鋪外觀仍保留著濃厚的歷史味，大門正中及兩旁搶眼的舊式錶櫃，舖內泛黃地磚、正中鏡面招牌及旁邊兩個大燈籠裝飾，繼而循店鋪右後方樓梯步上騎樓，給修錶師傅專用的「功夫位」，都是舊時代產物。但老闆指，前來光顧的也非全為老一輩客人，「有啲人鐘意老款，有啲人鐘意新款，唔一定係年紀大嘅人先嚟」。
見證回歸後時代變遷 賣錶修錶同步式微
老闆陸先生熟練地為客檢查手錶，年屆八旬的他每天親自開店，連同兩名老員工共有3人守住業務。陸先生指回歸前店鋪經常遇劫，但生意明顯較好，「有啲人鐘意玩錶，一百幾十隻都有，好似集郵咁。尤其臨回歸前，好多人要移民就買隻錶走」回歸後生意亦平穩，變的是多了內地客光顧，令他們見識到地客的豪氣，「一次過買十幾隻帝陀錶都試過」伙記譚先生說。
駐店師傅多轉接外判工作
陸先生於50年代學師，時針運轉，鐘錶技術及客人用錶習慣亦有巨變，「以前啲錶矜貴，買一隻用好多年，壞咗拎去整都係幾蚊；𠵱家啲人多數買啲平平哋，壞咗就換新款」，加上機械錶漸被價廉物美的電子錶取代，「機械錶聲大夾無準，就算貴至幾廿萬都唔夠石英錶準」。以前駐鋪的修錶師傅，現今亦大多轉為接外判工作，「師傅會簡嚟接，剩係做貴錶條數仲好賺」，但陸生指修錶與鐘錶業正一同走向式微，「舊果班師傅老得嘅老死得嘅死，後生嘅無咁嘅心機學，佢哋講得出點壞但就係整唔到，因為整錶啲嘢好細膩，要好修心養性先做到」。
持槍賊嗌「趴低！」強搶勞力士 子彈孔殘留
老舖看似幽靜，難以想像大埔道於八九十代為大賊子彈橫飛烽火地。老伙記譚先生退休後偶爾回店幫忙「頂更」，說起當年經歷仍有餘悸。90年代小至搶劫，大至持械行劫不時發生，92年大埔道兩間金行連續被悍匪打劫及爆發槍戰，「差人黎叫我地『落閘！落閘』，果時真係好恐怖」。有一次，六名持手槍及斧頭的賊人闖入打劫，破窗奪去百多隻名錶，「一入嚟就搶，十幾隻勞力士俾佢搶哂，全部錶加埋幾百萬」，譚先生指向騎樓牆壁上的子彈孔，「唔係有個櫃擋住，功夫位個師傅都中埋（槍）」。
扮試錶搶劫成常態 險被賊仔拎「老牛」劏肚
「當時無辦法都係要做，（賊人）叫你趴低就趴低」，有一次，譚先生險被賊人「劏肚」。當時一名客人在店內試勞力士，一手則在掏袋拿東西，「我以為佢想畀錢，點知佢拎把牛肉刀出嚟，我一閃佢就跑走，然後望一望點解個胸口咁多嘢跌出嚟」，原來衣服已被割穿一個大洞，布碎不斷掉下，幸好當時天冷他多穿兩件衣服，否則或已經受傷。
經歷過槍林彈雨，譚先生指當時上班的日子是步步驚心，「無事就好，有事嚇到你腳都軟」，但並沒嚇走一眾伙記，譚指在90年代時，錶行最高峰有近十多個員工，連修錶師傅都有5人一同站崗，「可以兩圍檯食飯」，但回歸後老伙記逐個年邁退休，加上行業式微而無年輕一輩承繼，員工人數逐漸減少，現在店內連同老闆每日只有3人。
近年生意慘淡 批「驅蝗行動」削客源
經濟幾許起跌，陸先生指近年社會上出現反水貨及內地客的聲音，打擊本地零售業，「搞啲咩驅蝗行動，人哋走嚟遊埠幫襯你，你當人蝗蟲咁侮辱人，人哋都有思想，無客嚟邊有生意做」。陸認為香港對遊客吸引力不及其他地方持久，「大陸啲人有錢多咗，有錢既都去遠啲，香港地頭細，嚟過幾次好多（地方）都去過，好似迪士尼海洋公園，去過幾次就唔去，中國內地咁多個省咁多旅行點，度度唔同，個持久性咪高啲」。
然而近幾年鐘錶生意轉差，亦少了內地客光顧，陸先生亦慨嘆生意慘淡，現時主要客人均為熟客，「我哋如果靠行過嘅街客入嚟買就死得，一定要靠幫襯開既熟客，帶啲朋友嚟，周圍睇過無假嘢無舊嘢，價錢唔係貴，老實，咁咪會帶家人朋友嚟買」。店舖現時於門外掛起「徹底清貨，即將結業」的橫額，陸打算賣完店內近3千隻錶存貨便會結業。