COLLAR首推EP赴越南拍美式公路電影MV 獲BLACKPINK排舞師排舞

撰文:鄧穎琪
出版:更新:

由Marf邱彥筒、Gao沈貞巧、Day許軼、Candy王家晴、Winka陳泳伽、Ivy蘇雅琳及Sumling李芯駖組成的樂壇女子組合COLLAR,繼早前舉行成軍以來首個演唱會後又再有突破,即將在11月推出COLLAR第一張 EP《UNIT1201》,EP以公路電影為主題,並由一首序幕歌《ROAD TRIP》加四首全新歌曲《SSS》、《CALL BACK IN 20》、《AFK???》、《HOME RUN》貫穿而成,寓意縱然這兩年多在路上雖遇到不同天氣,但她們仍勇於歷險,透過EP帶領大家一同踏上這次Road Trip。

COLLAR即將在11月推出COLLAR第一張 EP《UNIT1201》。
EP以公路電影為主題。
EP由一首序幕歌《ROAD TRIP》加四首全新歌曲《SSS》、《CALL BACK IN 20》、《AFK???》、《HOME RUN》貫穿而成。

由年初開始策劃的EP《UNIT1201》將在下月面世,今次EP製作團隊陣容鼎盛,除邀請鍾說、Serrini等為歌曲填詞外,其中一首歌亦有幸請到國際級女團BLACKPINK其中一位排舞導師Taryn為她們排舞,為加強四首新歌《SSS》、《CALL BACK IN 20》、《AFK???》、《HOME RUN》的MV電影效果,COLLAR更遠赴越南取景拍攝,務求帶給大家耳目一新感覺。Gao表示:「EP以公路電影為主題,講述我哋未來分開咗,各自做緊自己嘅嘢,之後逐一聚集返,然後一起向新道路出發嘅故事。」EP中的四首歌儼如四部曲一樣,按着「UNIT1201」的hints,由Marf開始逐一尋找隊友,Marf指:「今次EP嘅概念唔係啲咩總結,而係從新誕生一個多面向嘅COLLAR畀大家睇。」

EP其中一首歌請到國際級女團BLACKPINK其中一位排舞導師Taryn為她們排舞。
Marf指:「今次EP嘅概念唔係啲咩總結,而係從新誕生一個多面向嘅COLLAR畀大家睇。」

打頭陣的《SSS》 昨日推出,《SSS》意思是指「濕濕碎」,是COLLAR出道以來首次全中文歌曲,由鍾說填詞,據芯駖指:「之前大家有同鍾說溝通,過程中對方問大家對出走有咩畫面及想法,大家都畀咗好多Idea,所以呢首歌都有好多COLLAR想法及故事在內,同埋『濕濕碎』嘅意思,係我哋都入咗女團一段時間,經歷咗好多嘢後,發現原本之前嘅好多嘢都係『濕濕碎』 ,所以不用顧累繼續向前,繼續搵我哋嘅道路。」

《SSS》意思是指「濕濕碎」,芯駖透露這首歌包含了很多COLLAR成員的想法。

《SSS》MV無論在造型及背景上,都帶出濃烈的復古美國公路感覺,Day就笑言《SSS》另一特別之處:「雖然係主打歌,但MV中係冇我哋隊長(Gao)出現,之後劇情係點,同點解冇隊長,大家可以追看我哋嗰幾個MV就會分曉。」

Day叫大家看下去,就知道為何《SSS》沒有Gao出現。

究竟EP《UNIT1201》四首歌曲之中,哪一首最有突破?COLLAR認為每首均有突破之處,就好似《HOME RUN》是她們首支全英語歌曲,Gao說:「喺語言上已經好有突破,有全中文同英語歌,全英文可以畀其他地方嘅聽眾聽到我哋嘅歌,發掘多啲我哋嘅可能性。」Winka就認為《CALL BACK IN 20》的曲風上最具突破:「聽落會畀人一種好得意同搞笑嘅感覺。」

Gao說今次新歌在語言上很有突破,首次有全中文同全英語歌。
Winka認為《CALL BACK IN 20》的曲風上最具突破:「聽落會畀人一種好得意同搞笑嘅感覺。」

至於提到今年COLLAR又舉行演唱會又出EP,還定下甚麼目標想挑戰?Candy指:「嚟緊會去澳門開演唱會,首先做呢個演唱會先,繼澳門之後,衝出其他地方開演唱會,多啲現場表演機會。」Ivy認為出了EP後最好舉行簽唱會,她說:「好想搞簽唱會,都講咗好耐,而家有EP,可以簽喺EP度。」

Candy希望在12月的澳門演唱會後,再去其他地方開騷。
Ivy最希望盡快搞簽唱會。