內地男搭巴士搬篋放上層走廊！港女呻：個個跨欄咁過　網民教咁KO

不少巴士都設有行李架，方便乘客前往機場或口岸時擺放行李篋。有港女日前在網上發帖大呻，指乘搭巴士時走到上層，發現1名內地男乘客將行李篋放在上層走廊，「個個行過都要跨欄咁過」，最後在港珠澳大橋巴士站下車，但因要搬運行李，故阻慢了乘客下車速度。

帖文惹來網民熱議，有人教樓主遇到同樣情況應通知車長，「建議同巴士車長講，佢喺安全情況之下會上嚟處理」、「坐樓下望住個行李架囉，叫佢」。

見阻礙巴士車廂通車　網民建議：同車長講

樓主在Threads表示，早前乘搭巴士時，見到1名內地男連人帶篋登上巴士上層，但有別於其他人將行李篋放在下層行李架，內地男將行李篋放在上層走廊，導致其他人不便，「個個行過都要跨欄咁過」，該名乘客在在港珠澳大橋巴士站下車，「後面啲人唯有等佢搬咗落去再落」，樓主苦笑詢問「拎個篋放上層係咩事？」。

帖文引來許多網民留言，表示「拎咗上嚟（上層）都幾勁」、「一有咩事，阻礙逃生」、「可能成箱金呢」，又建議樓主見到這情況，毋須自己出手，「同車長講就得，相信會處理」。

（Threads）