楊潤雄缺席Hypefest開幕　田北辰：政府有冇重視？｜政壇諸事町

Hypefest 2024 Hong Kong今日舉行開幕禮，原定邀請文化體育及旅遊局局長楊潤雄出席，但他沒有露面。立法會議員田北辰開幕禮後見記者，指今日到場支持項目及「捧楊潤雄局長場」，不料楊潤雄缺席，田批評：「香港好多有能力嘅人幫政府做好多嘢，但政府有冇重視，我都唔知。呢單嘢都唔平，政府係咪要畀面多謝主辦單位呢？」

田續稱，中央港澳辦、國務院港澳辦主任夏寶龍日前呼籲盡能力支持香港發展，田批評「咁樣搞落去，唔知仲有冇其他發展商支持呢個呼籲」，又指自己能力卑微，亦盡量抽時間出席活動。他又指，沒有機會感謝主辦單位，因沒被邀請上台講話及拍照。

文化體育及旅遊局回覆《香港01》查詢時指，楊潤雄今日早上有其他工作，所以沒有出席。

盛事基金資助1500萬　田質疑政府代表不出席「唔知抵唔抵」

活動獲「文化藝術盛事基金」批出1,500萬元資助，被問及資助是否值得？田指「如果政府代表連開幕都唔出席，咁我又唔知佢覺得抵唔抵」，又稱議員對活動寄予盼望，「但都要有人出嚟做先得。」

文化藝術盛事委員會主席鄭志剛亦出席開幕禮。對於楊缺席，田指鄭志剛有如做「獨腳戲」，形容「有點怪」。他續指，楊的缺席原因不是關注點，「咩原因都好，我同4個議員都搵到時間嚟，呢啲嘢最好以後唔好發生。」

中央港澳工作辦公室、國務院港澳事務辦公室昨日（8日）在深圳召開2024香港工商界人士座談會，行政長官李家超、多名司局長包括楊潤雄等出席。而今日下午舉行的「第十五屆全國運動會和全國第十二屆殘疾人運動會暨第九屆特殊奧林匹克運動會倒計時一周年活動典禮」，楊潤雄亦有出席。