七師傅建議林穎彤改名Hollywood　分享投資之道幕後有老公幫手

七師傅（七仙羽）今日（27日）為HOY TV《開運秘笈2025》節目錄影，她表示訪問時教路大家，如果明年犯太歲的話，最緊要多往東、南方向行，以借地運改善自己嘅衰運。「之前教大家買黃金投資，大家可以買比特幣、ETF（股票型基金）比特幣仲有升嘅空間，但如果你唔多錢，就留番啲現金喺手。」七師傅表示自己屬於智慧形投資，當大家興奮出擊時，自己則會冷靜觀察。七師傅又教投資要多元化，好似佢自己投資外幣、定期、黃金、物業，老公則收購公司。

七師傅又大讚老公雖然無學玄學，但投資十分出色，又爆老公低價入手阿里巴巴，賺足一倍有多。「好多時關於金融我都會同佢研究，佢哈佛畢業，又係喺呢方面專家，所以同佢好多共同語言。」提到同場嘅林穎彤，七師傅大讚對方十分陽光正面，所以唔會理會佢之前嘅官非，但提議對方想事業有起色的話，可改名「Hollywood」。