TVB台慶2024｜陳曉華提起羅天宇擰晒頭 直呼冇可能：我做佢後母
撰文：林迅景
出版：更新：
《萬千星輝賀台慶2024》將於11月19日晚播出，一眾藝人日前（18/11）齊集將軍澳TVB電視城為台慶節目採排。近期陳曉華因參演《巾幗梟雄之懸崖》而人氣急升，不少觀眾更表示覺得陳曉華與羅天宇相當登對，但陳曉華接受《香港01》時，就對相當抗拒與羅天宇發展戀情。
訪問中談到「女神收割機」，陳曉華就回答：「呢個稱呼我好耐都冇聽過，因為喺我腦海入面佢叫韋豪。」她表示，與羅天宇，陳楨怡拍了很多短片宣傳劇集，所以觀眾就有可能會誤會，不過她就直言與羅天宇沒可能。她說：「佢個人好好『蝦』。」表示自己較獨立，不適合羅天宇。
與羅天宇有沒有機會發展？她回答：「梗係冇啦，我上一套劇（《金式森林》）做佢阿媽！我成個腦就係諗點樣『蝦』佢。我做佢後母，有何廣沛，陳浚霆，有羅天宇仲有莊子璇，佢哋4個真係當我阿媽咁尊敬我，我都差啲受唔起，後來習慣咗。」她表示，劇中郭晉安飾演他們的父親，亦即是自己的丈夫。