胡曦文逆市開鋪最緊要靜待時機　明年進駐台灣信心十足

胡曦文（前名胡敏珊）新店選址啟德雙子匯，今日（17日）正式開幕獲不少好友撐場，當中包括胡定欣、陳自瑤、張寶兒、袁偉豪、胡楓、黃洛研、馬詩慧、張佳添、謝東閔等，場面十分熱鬧。

胡曦文接受訪問時指新店籌備一年多，過程絕不容易，感覺似生咗小朋友，有想喊嘅衝動，但她強調是開心嘅眼淚。而在逆市中開鋪，她認為係品牌嘅認證，更係信心嘅表現，而今日開張嘅新鋪將係旗艦店，之後會陸續擴充。「因為啲錶同珠寶一定要試上手， 如果唔試上手，再睇埋價錢，未必會咁買。」提到港人北上消費習慣，胡曦文指自己都有北上，但她所指嘅北係台北，因為品牌將進駐台北。「大家要都加油，最緊要咬緊牙關，等待時機。台灣鋪希望明年開，而家睇下有無靚位，台北、台中、台南都睇緊。」