楊茜堯難忘與楊卓娜演對手戲感動到眼濕濕　有望家姐奪最佳女配角

楊茜堯今日（15日）出席《黑色月光》宣傳活動，她接受訪問分享與家姐楊卓娜共同演出的爆喊劇情，她表示：「嗰場戲其實係我幾鍾意嘅其中一場戲，我覺得好難忘第一次同家姐有咁激烈嘅對手戲，我哋好順利咁拍，冇乜NG，開心拍到可以同家姐切磋演技嘅劇本！」

楊茜堯強調事前沒有與家姐預先排練演出，並續說：「佢本身嘅劇情自己寫得好，本身我哋自己睇嘅時候個心裏面都好有感覺，自己都好投入過一場戲，所以到我哋真係拍嘅時候對熟咗劇本，之後真係一take過。」她坦言非常害怕忘記台詞，並表示：「好驚會影響咗對方同埋自己，其實嗰一場戲我有自己喺屋企睇返，都眼濕濕。」

提到有網民力捧楊卓娜會奪得萬千最佳女配角，她表示：「當然好開心，我好想家姐可以攞獎，其實佢好享受做演員，如果係呢套劇可以攞獎，我諗我會開心過我任何提名。」被問到是否已經預留檔期出席頒獎典禮，她坦言：「未知呀，如果邀請我我一定抽時間出席。」