寄了一整個春天｜Marf連環咀張毓軒柏天男　自覺未能駕馭更激尺度

COLLAR成員Marf、陳書昕、張毓軒、柏天男齊齊電影《寄了一整個春天》舉行首映，Marf更為此特地穿上內黑色內衣褲縫合而成嘅tube dress，再加上喱士嘴唇，十分有心思。Marf喺戲中同張毓軒、柏天男均有咀戲，張毓軒更指Marf十分粗暴，Marf解釋是劇情需要，現實中絕不會發生。

陳書昕在戲中不時需要脫內褲，其中一幕更在街頭發生，她表示由於大多在街角拍攝，所以未有因而感到尷尬，問到是否可以挑戰更大尺度戲份，Marf即踢爆陳書昕在另一作品《不赦之罪》有更激場面。問到Marf能否接受大尺度場面，她表示：「好睇時間，我而家嘅年紀同女團身份未係最適合，所以希望有日我駕馭到嘅時候，會有導演搵我。」

Marf又指男友Locker已欣賞自己新作，除咗讚其演出外，亦十分喜歡陳書昕嘅角色。「我媽都睇咗，佢都無咩反應，純粹見到我喺廳發癲嗰幕有笑，覺得好似我平時咁。COLLAR成員未睇，想像唔到佢哋有咩反應，好想睇Candy會有咩反應。」