麥詩晴網上被問價50萬「飯局上房」 網民提意試水溫：我係無價嘅
撰文：吳子生
出版：更新：
麥詩晴今晚（13/11）現身電視城出席《萬千星輝賀台慶》跳舞排練。提到早前被人網上問價50萬「飯局上房」，麥詩晴接受《香港01》訪問時表示：「原來我出咗呢個Po之後，發覺無論圈外同圈內嘅女仔，都有同我講返呢個人都有私訊佢哋，仲要係喺21年嘅時候已經有咁做，而當時嘅價碼同而家唔同嘅，同埋嗰陣時係有啲女仔係唔知發生緊咩事，係會問埋嗰個人工作嘅細節，佢仲會寫明會包括啲乜，當中係有唔道德嘅嘢。我相信我哋公司嘅藝人係唔會接受呢啲咁嘅交易。（網民話對方出50萬出手低？）我覺得自己係無價。同埋我有見到網上面有人叫我試吓個水溫，但無論如何我係唔會接受呢啲嘅工作。」