《愛回家》長腿小花鬧爆外賣平台　名校畢業曾被指機心重博上位

現年31歲的TVB小花鞏姿希（Krystl）在2018年參選港姐後入行，曾在TVB娛樂新聞台擔任主播，直至去年年底宣布離開，轉往劇組發展，現時主要在處境劇《愛．回家之開心速遞》客串演出。近日鞏姿希頻頻在IG大曬旅行靚相，成功吸引不少網民關注，但日前她就突然在IG限時動態投訴外賣平台，掀起網民熱議！

鞏姿希上載了與某外賣平台客服的對話截圖，並爆seed寫道：「真係幾得意，其中兩樣嘢冇送到嚟，Send咗Email冇回覆，再問話過咗24小時唔可以退款。真係一個好好嘅教訓，以後唔會再用，建議大家唔想俾人呃錢，都唔好再用呢個平台。」最後又建議大家選用另一個外賣平台：「安全又滿意。」而另一個外賣平台更火速聯絡鞏姿希表示有優惠折扣，鞏姿希亦隨即回覆：「Coming backkkkkk」其實MC張天賦亦曾在IG發火公開鬧爆外賣平台，送餐遲到、苦等40分鐘都冇外賣員接單等等，更直言「一肚火。」

鞏姿希於倫敦帝國學院策略行銷學碩士畢業，2018年參選港姐落選後加入TVB，語言天份極高的她精通廣東話、國語、英文、日文、韓文，亦因而被導演睇中，在《愛．回家》中客串不同角色，她曾在接受《香港01》訪問時透露，在年初時導演知她懂韓文，所以叫她飾演Terry進軍韓國的韓文老師和翻譯，隨後其他組導演又要找她幫手做劇本翻譯，及後又安排她飾演韓國整容醫生和日本牛郎店服務員，幸好日文同樣難不到她！