袁詠儀張智霖兒子魔童18歲生日　BB時期可愛照絕密曝光溫馨有愛

現年53歲的袁詠儀（靚靚）與老公張智霖（Chilam）結婚多年一直十分恩愛，兩人育有一子張慕童（Morton魔童）。轉眼間魔童迎來18歲生日，靚靚在微博曬出兒子的童年照為他慶生，並寫道：「Happy 18th Birthday🎂健康、快樂😘」相中所見，兩公婆分別抱着嬰兒時期的魔童，面貼面錫錫非常溫馨有愛！靚靚又曬出多個生日蛋糕，雖然魔童未有出鏡，但相信他都已經收到很多祝福！

今年8月靚靚同Chilam出席活動時，曾大爆兒子魔童恨拍拖：「佢成日把口係講想囉，佢見到啲同學仔拍拖，但又唔知點解佢好似好多諗法，我就成日同佢講話『唔緊要啦，你當識下朋友，而家做朋友可能過多幾年就係男女朋友呢？都要畀啲時間大家相處下。』（囝囝同邊個講感情事比較多？）佢通常同Daddy講多啲，但當佢遇到對一啲異性諗法問題嘅時候，佢就會問我嘅諗法。」而早前靚靚生日曬出一家三口合照，但就遮了魔童個樣，不過可見魔童已經同爸爸張智霖一樣高，盡得父母優良基因！