TVB傳大肚花旦幫襯前高層買酒夠晒畀面 老公唔俾攞重嘢緊張護送
撰文：張寧兒
出版：更新：
藝人C君（鄭詩君）去年卸任J2創意總監一職，專心做回幕前還騷債。近年他與好友陸永除了繼續玩音樂之外，亦不時接主持工作，近日C君位於何文田的酒鋪開張，他與老婆齊齊現身招呼朋友，一位TVB花旦好友專登落去幫襯。
C君酒鋪開張，藝人黃翠如與老公蕭正楠特意落去撐場。黃翠如於社交網拍片為好友宣傳，黃翠如戴上Cap帽低調現身支持，與C君打打鬧鬧，非常開心，C君太太黃天頤亦在場。盛傳懷孕的黃翠如非常畀面，真金白銀買酒支持C君，蕭正楠騷出剛買的葡萄酒，黃翠如更被C君篤爆想快快脆脆買完酒鬆人，C君對黃翠如說：「你淨係同我講：『我想快啲買兩支即刻走啦！』」
黃翠如分享合照，相中黃翠如穿上鬆身衫，似乎想遮住個肚？如懷孕傳聞屬實，黃翠如仍親自支持C君酒鋪，認真夠義氣，而相信蕭正楠要同其他朋友飲晒支酒啦！