梁思浩被網民斥借森美酒店事件谷人氣 霸氣回應：我專審娛樂新聞
撰文：吳子生
出版：更新：
梁思浩今晚（11/11）現身電視城出席TVB Plus《直播靈接觸》 直播節目。對於早前質疑森美借日本瞓街事件炒作新聞博加人工，卻反被網民斥為宣傳靈異節目，不惜借題發揮製造新聞谷人氣。梁思浩接受《香港01》訪問時表示：「其實佢哋唔識梁思浩啫，我講娛樂新聞已經講咗20年，由何生（何麗全）喺某個電視台開咗個節目《娛樂審死官》其實我係專審娛樂新聞嘅，嗰陣時我已經開始對娛樂新聞有啲評論，咁已經都習慣咗20年，咁所以對我嚟講都係日常嚟嘅，又唔係咩抽水嘅。我係對所有新聞都會有自己嘅睇法啫。（怕唔怕網呢對你反感？）我諗呢個新嘅世代係好特別嘅，有反感又好，有讚嘅好，我覺得現今世代，大家都係炒緊個談論點，我只係行喺時代嘅前面，咪就係攞談論點嚟話新聞囉。」