郭珮文爆拍賀歲片演咬唇勾引人　被葉念琛嫌棄停拍：覺得我好樣衰

郭珮文（Juliana）今晚（9/11）現身尖沙咀出席「香港藝人高爾夫協會20週年慈善晚會」。Juliana接受《香港01》訪問時透露，最近參與由王晶同葉念琛聯合監製及執導的2025蛇年賀歲片《麻雀女王追男仔》，自己的戲份經已拍完：「我暫時未收到通知，我諗我嘅戲份已經拍完。（你嘅戲份咁少？）因為我只係一個故事嘅其中一部份，雖然戲份唔係特別多，但有呢個機會已經好開心。」

問到王晶有沒有要郭珮文加戲，要求再性感一些？她說：「咁又冇喎。整套戲入面我已經偏性感，但就未去到嗰種，算係正常尺度嘅性感。（有著衫嘅？）係有嘅。（王晶冇要求再著少啲咩？）我未遇到，可能佢見到我而家咁肥有肚腩，佢見到都唔開胃，佢都唔敢要求啦。同埋之前有一場戲，佢叫我咬唇勾引人，我做咗好多次，都做唔到佢想要嗰種，可能佢覺得我做得好樣衰，最後都冇拍個場戲。」