鍾柔美下月生日踏入18歲感不捨：真係有啲唔想大

鍾柔美（Yumi）今日（9/11）現身將軍澳出席活動。提到下個月21日，便踏入18歲正式成年。Yumi接受《香港01》訪問時表示：「其實我個心都未準備好，因為我個心依然仲喺15至16歲嘅時候，其實自己唔係好想咁快大個，以前嘅自己就會好想快啲長大，但臨近一個月之後就18歲做成年人，真係有啲唔想大。但都唔緊要，始終都係要面對呢樣嘢。（會點慶祝？）屋企人就會幫我慶祝，舉辦個成人禮嘅嘅生日會。（會唔會搞個生日會同Gigi星夢學員過？）如果有時間我都會嘅，因為嗰陣我係要拍劇同埋要考試，變咗未必搞到生日會。（想唔想拍拖？我覺得呢樣嘢順其自然。（擇偶條件？）我覺得呢啲嘢就要講感覺，緣份嚟嘅時候就會嚟啦。（一定要高過你？）咁就最好啦！」