伍富橋被整蠱陷偷食風波 吳業坤怕同一遭遇：佢識睇中文
撰文：吳子生
出版：更新：
吳業坤（坤哥）今日（7/11）現身北角出席《毅行40堅並肩》記者會。對於好友伍富橋慘被整蠱陷偷食風波險一身蟻，被問到驚唔驚會同一遭遇被人整蠱？坤哥接受《香港01》訪問時笑言：「有咩好驚，我行得正企得正有咩好驚。我覺得有啲嘢係可以大事化小，小事化無，而我都相信佢都會有講，謠言止於智者。同埋我又要練空手道，又要準備演唱會，又點會有時間呢。（太太識睇中文報道？）佢識㗎，佢而家都會睇新聞，咁所以最好就唔好有呢啲負面報道，始終睇到都會唔開心。」